Hver er Rúna Björg?

Síðastliðinn áratug hef ég starfað sem einka- og styrktarþjálfari og á þeim tíma opnað og rekið tvær æfingastöðvar, eina á Akranesi þar sem ég bý og aðra í Reykjavík. Ég hef víðtæka reynslu á sviði þjálfunar hópa og íþróttaliða þar sem draga þarf fram styrkleika hvers og eins, þjálfa, þróa og hvetja áfram í átt að árangri. Að auki hef ég séð um að þjálfa upp og þróa aðra einka- og styrktarþjálfara sem margir sinna stórum hlutverkum í íþróttalífinu í dag. Teymis- og markþjálfun eru púslin sem gera það að verkum að púsl fyrri reynslu smella saman. Í teymis- og markþjálfun get ég nýtt fyrri reynslu og þekkingu á stjórnun, auk reynslu við þjálfun síðasta áratuginn í samskiptum við einstaklinga og teymi. Alveg hreint magnað!

Ég hef lokið grunn- og framhaldsnámi við Háskólann á Bifröst, er viðskiptafræðingur að mennt með áherslu á markaðssamskipti og er með meistaragráðu í forystu og stjórnun með áherslu á verkefnastjórnun. Í námi mínu á Bifröst vann ég rannsókn um forystuhlutverk í teymum þar sem samskipti innan íþróttaliða voru skoðuð í samhengi þjónandi forystu (e. servant leadership). Niðurstöður rannsóknarinnar má yfirfæra á flest önnur teymi hvort sem þau eru innan félagasamtaka, fyrirtækja eða annarra skipulagsheilda.

Ég er ACC vottaður markþjálfi og hef farið í gegnum nám með AATC vottun (e. Advance Accreditation in Team Coaching) frá ICF (e. International Coaching federation). Ég er á vegferðinni í átt að ACTC vottun (e. Advanced Certification in Team Coaching) þessa stundina sem þýðir að ég er tilbúin að takast á við áskoranir og vaxa með þeim næstu misserin.

Eftir fjörugan áratug í lífi, námi og starfi hef ég hægt aðeins á mér. Ég legg áherslu á að verja meiri tíma í núinu með fjölskyldu og vinum þó sprettirnir séu enn hraðir þess á milli. Í dag starfa ég sem stundakennari við Háskólanum á Bifröst samhliða teymis- og markþjálfun, þar kem ég að kennslu í áföngunum Mannauðsstjórnun og hlutverk leiðtogans, Stefnumótun og framtíðarsýn og Kenningar í leiðtogafræðum. Ég starfa einnig sem leiðbeinandi í námi í markþjálfun hjá Virkja.

Vöxtur - Heiðarleiki - Heilbrigði

Mikilvæg gildi í mínu lífi og reyni ég af fremsta megni að flétta þeim inn í allt sem viðkemur lífi og starfi.

Menntun

AATC (e. Advanced Accreditation in Team Coaching) vottað nám af ICF hjá Erni Haraldssyni (ACTC, PCC)
Meistaranám í Forystu og stjórnun með áherslu á verkefnastjórnun frá Háskólanum á Bifröst
BSc í viðskiptafræði með áherslu á markaðssamskipti frá Háskólanum á Bifröst
Grunn- og framhaldsnám í markþjálfun hjá Profectus
- Alþjóðlega vottaður ACC markþjálfi af ICF
Certified NBI practitioner & 360° coach
ÍAK einka- og styrktarþjálfari